apple0988 發表於 2016-10-14 17:50:05

朗峰國際移民 谷9氣

同我講話台灣做生意好易, 一定搞得掂.
結果比佢玩死

小弟本身是工程師,今年36歲, 月入約3萬. 可能我太乖仔, 煙都唔食一支. 在香港一直識唔到女朋友.
又或者我要求太高, 又要靚, 又唔可以平胸(C cup以上), 又要性格好.

1年前去台灣識左個大學生女朋友, 一拍即合. 樣、身材、性格都符合我要求. 台灣女仔一般都將我地港男睇高一線, 同埋冇港女咁cool.
我第一次溝到女, 而個女仔話佢都係初戀. 我又貪一時快感, 結果搞大左佢個肚.

呢個女仔我好鐘意, 決定閃婚都一定要娶佢. 但係要佢來香港好難, 好多手續搞好耐.
第2是佢始終鐘意留在台灣
第3是在香港我同父母同住, 在香港我冇物業.

我做左咁耐野, 儲埋都有180萬左右, 供樓太勉強, 諗左好耐, 與其在香港買間蚊野屋, 不如移民去台灣
因為我有個中學同學, 同我差不多大, 以前只是打份工搵2萬幾, 移民去台灣後風山水起, 有2間公司, 幾層樓, 仲有1架跑車, 1架7人車.

於是我又去移民, 上網搵左一間朗峰國際移民.
我完全未做過生意, 拎住180萬都唔知做乜, 佢同我講放心, 好易搞.

我聽佢地講在台灣買左一棟野, 樓下是商店, 做洗衣店.
洗衣機按個制就搞掂, 簡單操作, 樓上仲有兩層加埋接近2000尺, 真係好夠住.

我問過佢地有冇其他生意, 佢地話呢個最好, 最緊要快, 係咁叫我快D.
我移民左幾個月, 生意真係一般, 雖然唔會蝕錢, 但只夠勉強生活.

我覺得浪費了我這個專業人才, 話就話自己生意, 但根本請埋人就冇乜點賺, 結果自己做埋洗衣工人. 一個月盈利只得4萬台幣, 少過我以前做工程師好多.

之後見番我中學同學, 佢話呢D野冇得急, 台灣有好多生意做, 做番本地人生意賺唔多, 應該開公司做D對外既生意.
我諗番轉頭, 朗峰國際移民根本係趕收工, 求其賺到你錢就算. 佢唔止賺你錢, 仲賺埋洗衣店轉手費既佣金.

早知我問清楚朋友先移民. 人地移民顧問公司幫佢移民, 令到佢風山水起. 我用果間, 令到我屈在洗衣店, 月入只有1萬港圓, 鬱鬱不得志. 幸好留夠1年台灣, 我還是可以回港工作的.

roylam 發表於 2016-11-22 23:56:18

本帖最後由 roylam 於 2016-11-23 00:00 編輯

樓主你好,我是朗峰國際移民的Roy,眾所周知我們從來無介紹任何人做過洗衣店喎!


會唔會你攪錯了呀!不過無問題,如果你可以提供出我們公司同你簽的合約我馬上賠返10倍移民費用+你所講的洗衣鋪頂手費比你:)

apple0988 發表於 2016-11-23 18:42:48

roylam 發表於 2016-11-22 23:56
樓主你好,我是朗峰國際移民的Roy,眾所周知我們從來無介紹任何人做過洗衣店喎!




你做得到先好講.
不是洗衣鋪難道是潔衣店?

‎JeffLai‎ 發表於 2016-11-24 10:28:51

剛去完朗峰移民台灣說明會,感覺幾差,非常有保留,問到對於佢地推薦可投資500-1000萬台幣買酒店"水玥國際商務會館"經營樓花股份移民方式有何保障的疑問時,即時變臉唔想答,一味話有信託保障,問信託金比率答唔出,我感到即時已被列為不受歡迎人物,其他人問的也輕輕帶過,那計畫說明圖想影低亦被制止,有咩唔見得光?上次大都會乜都等你慢慢影低先轉下幅圖,說話亦冇太多保留!
頁: [1]
查看完整版本: 朗峰國際移民 谷9氣